'ఈజ్ ఆఫ్ లివింగ్ 2020కి ఫీడ్ బ్యాక్ ఇవ్వండి'

ఈజ్ ఆఫ్ లివింగ్ 2019లో చేసిన పనుల ఆధారంగా 2020లో నగరంలో సిటిజన్​ పార్టిసిపేషన్ అడుగుతున్నామని వరంగల్ మహా నగర పాలక సంస్థ కమిషనర్ పమేలా సత్పతి తెలిపారు. దేశవ్యాప్తంగా ప్రధాన నగరాలు పలు అంశాలలో పోటీ పడుతున్నాయని కమిషనర్ అన్నారు.

మున్సిపల్ పర్ఫమెన్స్​ ఇండెక్స్, ఈజ్​ ఆఫ్​ లివింగ్ ఇండెక్స్ అంశాలపై ప్రజలు తమ అభిప్రాయాన్ని తెలపాలని వరంగల్ మహా నగర పాలక సంస్థ కమిషనర్ పమేలా సత్పతి కోరారు. ఈజ్ ఆఫ్ లివింగ్ 2019లో చేసిన పనుల ఆధారంగా 2020లో నగరంలో సిటిజన్​ పార్టిసిపేషన్ అడుగుతున్నామన్నారు.

కేంద్ర ప్రభుత్వం ప్రవేశపెట్టిన ఈ పోటీల్లో పలు అంశాలపై ప్రజల్లో అవగాహన కల్పించాలన్నారు. అందుకు హోర్డింగ్​లతోపాటు సామాజిక మాధ్యమాలలో విస్తృతంగా ప్రచారం చేయాలన్నారు. ప్రత్యేకంగా ఏర్పాటు చేసిన వెబ్​సైట్​లో వరంగల్ మహా నగరం యొక్క స్థితిగతులు, ఏడాది పాటు బల్దియాలో జరిగిన అభివృద్ధి పనులు, తదితర అంశాలపై ప్రత్యేకంగా 24 ప్రశ్నలు పొందుపరచారని పేర్కొన్నారు. ఆ ప్రశ్నలకు సమాధానాలు గుర్తించి తమ అభిప్రాయాలను తెలపలన్నారు. దేశంలోని ప్రధాన నగరాలు పలు అంశాలలో పోటీ పడుతున్నాయని కమిషనర్ అన్నారు. ఈరోజు ప్రారంభమైన ఫీడ్ బ్యాక్ ఈనెల చివరి వరకు ఉంటుందన్నారు.

ఇదీ చూడండి :ఎందుకు ఇంకా పూర్తి చేయలేదు: మంత్రి ప్రశాంత్​ రెడ్డి