హన్మకొండ ఆర్ట్స్​అండ్​ సైన్స్​ కళాశాలలో అగ్ని ప్రమాదం

హన్మకొండలోని ఆర్ట్స్ అండ్​ సైన్స్​ కళాశాలలో అగ్ని ప్రమాదం జరిగింది. సెమినార్​ హాల్లో మంటలు చెలరేగి సుమారు రూ. 30లక్షల సామగ్రి బుగ్గిపాలైంది.

వరంగల్​ అర్బన్​ జిల్లా కేంద్రం హన్మకొండలోని ఆర్ట్స్​ అండ్​ సైన్స్​ కళాశాలలో తెల్లవారు జామున అగ్ని ప్రమాదం జరిగింది. సెమినార్ హాలులో మంటలు చెలరేగి ఏసీలు, విలువైన ఫర్నీచర్, కంప్యూటర్స్ ఆహుతయ్యాయి. వీటి విలువ సుమారు రూ.30 లక్షలు ఉంటుందని యాజమాన్యం తెలిపింది. విద్యుత్​ షార్ట్ సర్క్యూట్​తోనే మంటలు చెలరేగాయన్నారు. అగ్నిమాపక సిబ్బంది వచ్చే సరికే హాలు పూర్తిగా కాలిపోయింది. ఇతర ప్రదేశాలకు మంటలు వ్యాపించకుండా అదుపుచేశారు.

ఇదీ చదవండి:దేవాదుల పైపునకు రంధ్రం చేసిన గుర్తుతెలియని వ్యక్తులు