కరోనా నియంత్రణ పెను సవాల్‌గా మారింది: ఈటల

11:52 July 28

కరోనా నియంత్రణ పెను సవాల్‌గా మారింది: ఈటల

కరోనా మహమ్మారి యావత్ ప్రపంచానికి కంటి మీద కునుకు లేకుండా చేస్తోందని వైద్యఆరోగ్య శాఖ మంత్రి ఈటల రాజేందర్​ అన్నారు. కరోనా నియంత్రణ పెను సవాల్‌గా మారిందన్నారు. కరోనా నియంత్రణ చర్యలపై మంత్రి ఎర్రబెల్లి దయాకర్​ రావుతో కలిసి వరంగల్​లో సమీక్ష నిర్వహించారు. అనేక రకాల వ్యాధులను ఎదుర్కొన్న సత్తా మనకు ఉందని.. ఇప్పుడు కూడా ధైర్యంగా ఈ సవాల్‌ను ఎదుర్కొందామని ఈటల పిలుపునిచ్చారు.  

కరోనా బాధితులకు మరింత మెరుగైన సేవలను అందిద్దామన్నారు. వైద్యులు, నర్సులు ఇతర సిబ్బంది ప్రాణాలను పణంగా పెట్టి పనిచేస్తున్నారని మరోసారి గుర్తు చేశారు. అన్ని రకాలుగా అండగా నిలిచి కరోనా సోకినవారిని కాపాడుకుందామన్నారు.  

ఇదీ చదవండి :'సచివాలయ కూల్చివేత ఎలా జరుగుతోంది.. వ్యర్థాల పరిస్థితి ఏంటి?'