ఆటో షోను ప్రారంభించిన జిల్లా రవాణా శాఖ అధికారి వరంగల్ అర్బన్‌ జిల్లా హన్మకొండలో ఈనాడు ఆధ్వర్యంలో నిర్వహించిన ఆటో షోకు అపూర్వ స్పందన లభించింది. 24 స్టాళ్లలో ఏర్పాటు చేసిన విభిన్న రకాల అధునాతన కార్లు చూపరులను కట్టిపడేశాయి. కార్లతో పాటు ద్విచక్ర వాహనాల ప్రదర్శన ఆకట్టుకుంది. హయగ్రీవచారి మైదానంలో రెండు రోజుల పాటు జరిగే ఆటో షోను వరంగల్ గ్రామీణ జిల్లా రవాణా శాఖ అధికారి వేణు, గ్రేటర్ వరంగల్ కమిషనర్ రవికిరణ్‌ ప్రారంభించారు. కొనుగోలు దారులు పెద్ద ఎత్తున ప్రదర్శనను తిలకించి ఇష్టమైన వాహనాలను బుక్ చేసుకుంటున్నారు. ఆటో షోలో ఏర్పాటు చేసిన ఎస్బీహెచ్ స్టాల్లో బ్యాంకు రుణాలకు సంబంధించిన వివరాలు అందిస్తున్నారు.
