18 మందిపై కుక్కల దాడులు.. ప్రజల బెంబేలు

వరంగల్​ నగరంలో వీధి కుక్కలు స్వైర విహారం చేశాయి. సుమారు 18 మందిపై కుక్కలు దాడి చేసి గాయపరిచాయి. ఈ నేపథ్యంలో ప్రజలు రోడ్లపై వెళ్లాలంటే భయంతో ఇబ్బందులు ఎదుర్కొంటున్నారు. అధికారులకు ఫిర్యాదు చేసినా పట్టించుకోలేదని చెబుతున్నారు.

వరంగల్ నగరంలో వీధి కుక్కలు బీభత్సం సృష్టించాయి. నగరంలోని పలు డివిజన్లలో ఒకేసారి రహదారిపై వెళ్తున్న వారిపై కుక్కలు దాడి చేసి గాయపరిచాయి.

జాన్​పాక రామన్నపేటలో దాడి చేసిన ఘటనలో సుమారు 18 మంది గాయపడ్డారు. గాయపడిన వారిని ఎంజీఎం ఆస్పత్రికి తరలించారు. పలుమార్లు నగరంలో వీధి కుక్కలు తీవ్ర ఇబ్బందులు కలిగిస్తున్నాయని అధికారుల దృష్టికి తీసుకెళ్లినా ఫలితం లేదని స్థానికులు వాపోయారు.

ఇదీ చూడండి :కోతుల కారణంగా.. పొలాల్లో ఉంటున్నారు!