వరంగల్​లో నాలాలపై అక్రమ నిర్మాణాల కూల్చివేతలు షురూ..

ఇటీవల కురిసిన వర్షాలకు వరంగల్​ నగరం అతలాకుతలమైంది. సీఎం కేసీఆర్​ ఆదేశాల మేరకు మంత్రులు వరంగల్​ నగరంలో పర్యటించారు. నాలాలపై అక్రమంగా నిర్మించిన కట్టడాల వల్లే వరద ముంచెత్తిందని... వెంటనే ఆ నిర్మాణాలను కూల్చేయాలని మున్సిపల్​ అధికారులను ఆదేశించారు. అధికారులు కూల్చివేత పనులను ప్రారంభించారు.

వరంగల్ నగరంలో నాలాలపై అక్రమంగా నిర్మించిన కట్టడాల కూల్చివేతలను మున్సిపాలిటీ అధికారులు షురూ చేశారు. గత కొన్ని రోజులుగా కురుస్తున్న వర్షాలకు వరంగల్, హన్మకొండలోని ప్రధాన రోడ్లు దెబ్బతినగా, పలు కాలనీలు నీట మునిగిపోయాయి. ఈ సందర్భంగా ముఖ్యమంత్రి కేసీఆర్ ఆదేశాల మేరకు పురపాలక శాఖ మంత్రి కేటీఆర్, వైద్య ఆరోగ్యశాఖ మంత్రి ఈటల రాజేందర్ వరంగల్ నగరంలోని ముంపు ప్రాంతాలను మంత్రులు దయాకర్ రావు, సత్యవతి రాఠోడ్​లతో కలిసి పరిశీలించారు.

నాలాలపై అక్రమంగా కట్టిన కట్టడాలను గుర్తించారు. తక్షణమే వాటిని కూల్చివేయాలని మంత్రి కేటీఆర్ అధికారులకు ఆదేశాలు జారీ చేశారు. దీంతో మున్సిపాలిటీ అధికారులు నాళాలపై అక్రమంగా కట్టిన నాలాలను కూల్చివేస్తున్నారు.

ఇవీ చూడండి: భారీ వర్షాలతో పొలాలు నీటిపాలు.. ఆందోళనలో రైతులు