కరోనా సమయంలో వరంగల్ ఎంజీఎం ఆస్పత్రిలో రోగులు అనేక ఇబ్బందులు పడుతున్నారని కాంగ్రెస్ ఎమ్మెల్యే దుద్దిళ్ల శ్రీధర్ బాబు విమర్శించారు. కొవిడ్ విజృంభిస్తున్న తరుణంలో ప్రభుత్వం పట్టించుకోకపోవడం దారుణమన్నారు. కాలం చెల్లిన పరికరాలతో రోగులకు చికిత్స అందిస్తున్నారని ఆవేదన వ్యక్తం చేశారు. వరంగల్‌లో మల్టీ సూపర్ స్పెషాలిటీ ఆస్పత్రి లేక భారమంతా ఎంజీఎంపైనే పడుతోందన్నారు.
వరంగల్ ఎంజీఎంలో సౌకర్యాల కల్పనలో విఫలం: శ్రీధర్ బాబు
వరంగల్ ఎంజీఎం ఆస్పత్రిలో రోగులకు సౌకర్యాలు లేక ఇబ్బందులు పడుతున్నారని మంథని ఎమ్మెల్యే శ్రీధర్ బాబు ఆరోపించారు. కరోనా సమయంలో తుప్పు పట్టిన మిషన్లతో వైద్యం అందిస్తున్నారని విమర్శించారు. గ్రేటర్ వరంగల్ మున్సిపల్ ఎన్నికల్లో తెరాస ప్రభుత్వానికి ప్రజలు తగిన గుణపాఠం చెప్పాలని ప్రజలకు సూచించారు.
వరంగల్ ఎంజీఎం ఆస్పత్రిలో వసతుల లేమిపై కాంగ్రెస్ ఎమ్మెల్యే శ్రీధర్ బాబు
వైరస్ ప్రమాదకరంగా మారుతుంటే ఆస్పత్రిలో సరైన వసతుల్లేక రోగులు ఇబ్బందులు పడుతున్నారని శ్రీధర్ బాబు ఆరోపించారు. వరంగల్ నగర అభివృద్ధిపై ప్రభుత్వం హమీలు నెరవేర్చలేదని మండిపడ్డారు. విభజన చట్టంలో ఉన్నవి సాధించుకోవడంలో రాష్ట్ర ప్రభుత్వం విఫలమైందన్నారు. రానున్న గ్రేటర్ వరంగల్ మున్సిపల్ ఎన్నికల్లో తెరాస ప్రభుత్వానికి ప్రజలు తగిన గుణపాఠం చెప్పాలని సూచించారు. ఎన్నికల్లో కాంగ్రెస్ అభ్యర్థులను గెలిపించాలని ఆయన కోరారు. ఆనంతరం మున్సిపల్ ఎన్నికలపై జిల్లా పార్టీ శ్రేణులతో సమవేశమయ్యారు.