గెలిపిస్తే అధిక మొత్తంలో నిధులు తెస్తా : దొమ్మాటి సాంబయ్య వరంగల్ లోక్సభ నియోకవర్గ పరిధిలోని కాజీపేట్లో కాంగ్రెస్ అభ్యర్థి దొమ్మాటి సాంబయ్య పెద్ద ఎత్తున ప్రచారం నిర్వహించారు. అభ్యర్థి ప్రచారం చేస్తుండగా మాజీ ఎమ్మెల్యే కొండేటి శ్రీధర్తో కాంగ్రెస్ రాష్ట్ర ఎస్సీ సెల్ కన్వీనర్ ఎడబోయిన ప్రభాకర్ ఘర్షణకు దిగారు. శ్రీధర్ ప్రత్యర్థి పార్టీలతో కుమ్మక్కై నియోజకవర్గంలో పార్టీని విచ్ఛిన్నం చేస్తున్నారని ప్రభాకర్ ఆరోపించారు. స్పందించిన స్థానిక కాంగ్రెస్ నాయకులు గొడవను సద్దుమణిగేలా చేశారు. అనంతరం లోక్సభ ఎన్నికల్లో కాంగ్రెస్ 350 సీట్లు గెలిచి కేంద్రంలో ప్రభుత్వం ఏర్పాటు చేస్తుందని దొమ్మటి సాంబయ్య ధీమా వ్యక్తం చేశారు. భాజపా, తెరాస ఒక గూటి పక్షులేనన్నారు. తనను గెలిపిస్తే నియోజకవర్గానికి అధిక మొత్తంలో నిధులు తీసుకొస్తానని హామీ ఇచ్చారు.
