ఎస్సారెస్పీ నీటితో హన్మకొండలోని కాలనీలు జలమయం!

ఎస్సారెస్పీ కాల్వ నీటి ప్రవాహంతో హన్మకొండలోని పలు కాలనీలు జలమయం అయ్యాయి. నీటి సామర్థ్యం పెరిగి గేట్లు తెరుచుకోకపోవడంతో నీరు కాలనీల్లోకి పోటెత్తింది. వెంటనే అప్రమత్తమైన అధికారులు మరమ్మతులు చేశారు.

ఎస్సారెస్పీ కాల్వ గేట్లు తెరుచుకోకపోవడంతో వరంగల్ అర్బన్ జిల్లా హన్మకొండలోని గుండ్ల సింగారం, భవాని నగర్, ఇందిరానగర్ కాలనీలు నీటమునిగాయి. కాల్వలో నీటి సామర్థ్యం పెరగడంతో గేట్లు ఎత్తడానికి ప్రయత్నించగా... అవి ఎంతకూ తెరుచుకోకపోవడంతో నీటి ఉద్ధృతి ఎక్కువై కాలనీల్లోకి పోటెత్తింది. కట్టపై ఒత్తిడి పెరిగి బుంగ ఏర్పడింది. వెంటనే అప్రమత్తమైన అధికారులు హుటాహుటిన మరమ్మతులు చేశారు. ట్రాక్టర్లతో మట్టిని తీసుకొచ్చి బుంగను మూసివేసి వాహనాల రాకపోకలను నిలిపివేశారు. మరమ్మతులు చేసి ఒక గేటు ఎత్తడంతో నీటి ప్రవాహం తగ్గుముఖం పట్టింది.

ఎస్సారెస్పీ వరద... హన్మకొండలో నీట మునిగిన కాలనీలు!

ఒక్కసారిగా నీరు రావడంతో కాలనీవాసులు భయాందోళనకు గురయ్యారు. రాత్రి సమయంలో ఈ ఘటన జరిగి ఉంటే పరిస్థితి మరోలా ఉండేదని ఆవేదన వ్యక్తం చేశారు. తక్షణమే కల్వర్టు నిర్మాణంతో పాటు కాల్వకు పూర్తిస్థాయిలో మరమ్మతులు చేయాలని విజ్ఞప్తి చేస్తున్నారు.

ఎస్సారెస్పీ వరద... హన్మకొండలో నీట మునిగిన కాలనీలు!

ఇదీ చదవండి:కేటీఆర్‌ను సీఎం చేసే ఉద్దేశం కేసీఆర్‌కు లేదు : బండి సంజయ్