కాళోజీ కళాక్షేత్రం పనులు వేగంగా పూర్తి చేయాలి: కలెక్టర్​

వరంగల్​ అర్బన్​ జిల్లా హన్మకొండలో నిర్మిస్తోన్న కాళోజీ కళాక్షేత్రం నిర్మాణ పనులను జిల్లా పాలనాధికారి రాజీవ్​గాంధీ హనుమంతు పరిశీలించారు. పనులను త్వరితగతిన పూర్తి చేయాలని అధికారులను ఆదేశించారు.

కాళోజీ కళాక్షేత్రం సివిల్ పనులను వేగవంతంగా పూర్తి చేయాలని పాలనాధికారి రాజీవ్​గాంధీ హనుమంతు అధికారులను ఆదేశించారు. వరంగల్ అర్బన్ జిల్లా హన్మకొండలోని బాల సముద్రంలో హయాగ్రీవ చారి కాంపౌండ్​లో రూ.50 కోట్ల అంచనా వ్యయంతో చేపట్టిన కాళోజీ కళాక్షేత్రం నిర్మాణ పనులను ఆయన పరిశీలించారు.

అక్టోబర్ నెల చివరి వరకు సివిల్​ పనులను పూర్తి చేసి.. ఆ తర్వాత ఎలక్ట్రిసిటీ, ఇతర పనులను యుద్ధ ప్రాతిపదికన పూర్తి చేయాలని పర్యటక శాఖ అధికారులను ఆదేశించారు.

ఇదీ చదవండి:'కొవాగ్జిన్'​ రెండోదశ ప్రయోగానికి ఏర్పాట్లు