వరంగల్​ రైల్వేస్టేషన్​లో చైల్డ్​లైన్​ హెల్ప్​డెస్క్​

వరంగల్​ రైల్వేస్టేషన్​లో తరుణీ స్వచ్ఛంద సంస్థ ఆధ్వర్యంలో చైల్డ్​లైన్​ హెల్ప్​డెస్క్​ని కలెక్ట్​ ప్రశాంత్​ జీవన్​ పాటిల్​ ప్రారంభించారు. ప్రతీ ఒక్కరూ తప్పిపోయిన చిన్నారుల బాధ్యత తీసుకోవాలని కోరారు.

తప్పిపోయిన, ప్రమాదకర పరిస్థితుల్లో పనిచేస్తున్న పిల్లలను గుర్తించటంతో పాటు వారికి ఆశ్రయం కల్పించాల్సిన బాధ్యత అందరూ తీసుకోవాలని వరంగల్ పట్టణ కలెక్టర్ ప్రశాంత్​ జీవన్​ పాటిల్​ స్పష్టం చేశారు. వరంగల్ రైల్వేస్టేషన్​లో తరుణీ స్వచ్ఛంద సంస్థ ఆధ్వర్యంలో నూతనంగా ఏర్పాటు చేసిన చైల్డ్​లైన్​ హెల్ప్​డెస్క్​ను పోలీస్ కమిషనర్ రవీందర్​తో కలిసి ప్రారంభించారు. నిర్వాహకులు చిన్నారులను గుర్తించడంతో ఆగకుండా వారికి మంచి ఆశ్రయం కల్పించాల్సిందిగా సూచించారు. 2015లో దేశవ్యాప్తంగా 20 రైల్వే స్టేషన్లలో చైల్డ్ లైన్ డెస్కులను ఏర్పాటు చేయగా... ప్రభుత్వం సహకారంతో వాటి సంఖ్య 512కు చేరాయని నిర్వాహకులు తెలిపారు.

ఇవీ చూడండి: మొక్కలకు పుట్టినరోజు..చిన్నారుల సంబురాలు..