వరంగల్​ కలెక్టరేట్​ వద్ద తీవ్ర ఉద్రిక్తత.. బీజేవైఎం ముట్టడి భగ్నం

ప్రైవేటు అధ్యాపకుల సమస్యలను పరిష్కరించాలని డిమాండు చేస్తూ వరంగల్​లో బీజేవైఎం చేపట్టిన కలెక్టరేట్‌ ముట్టడి కార్యక్రమం ఉద్రిక్తతలకు దారి తీసింది. పోలీసులకు, నాయకులకు మధ్య తోపులాట చోటుచేసుకోగా అందరినీ ఎక్కడికక్కడ అదుపులోకి తీసుకుని పోలీస్​స్టేషన్​కు తరలించారు.

కరోనా వల్ల వేతనాలు లేక ఇబ్బందులు పడుతున్న ప్రైవేటు అధ్యాపకులు, ఉపాధ్యాయులను ప్రభుత్వం ఆదుకోవాలంటూ బీజేవైయం డిమాండ్​ చేసింది. హన్మకొండలోని వరంగల్‌ అర్బన్‌, గ్రామీణ జిల్లా కలెక్టరేట్‌లను బీజెవైఎం నాయకులు ముట్టడించడానికి ప్రయత్నించారు. వారిని పోలీసులు అడ్డుకున్నారు. ఈక్రమంలో పోలీసులకు, బీజెవైఎం శ్రేణులకు తీవ్ర తోపులాట, వాగ్వాదం చోటుచేసుకుంది.

కలెక్టరేట్‌ గేటు ఎక్కిన కొందరు నేతలను పోలీసులు కిందకు లాగేశారు. వారిని ఎక్కడికక్కడే అడ్డుకుని స్టేషన్​కు తరలించారు. తీవ్ర ఇబ్బందులు పడుతున్న ప్రైవేటు అధ్యాపకలు, ఉపాధ్యాయులకు ప్రభుత్వం తక్షణమే వేతనాలు ఇచ్చి ఆదుకోవాలని నినాదులు చేశారు.

ఇదీ చూడండి:'ఫార్మా కంపెనీల పేరుతో ప్రభుత్వం వ్యాపారం చేస్తోంది'