వరంగల్ భద్రకాళీ బండ్ సర్వాంగ సుందరంగా ముస్తాబై ప్రారంభోత్సవానికి సిద్ధమైంది. ఓరుగల్లుకు మణిహారంగా మారిన భద్రకాళీ బండ్ నగరవాసులతో పాటు... పర్యటకులనూ ఆకట్టుకోనుంది. మంత్రిగా రెండోసారి బాధ్యతలు చేపట్టిన అనంతరం... తొలిసారిగా నగరానికి విచ్చేస్తున్న ఐటీ, పట్టణాభివృద్ధి, పురపాలక శాఖ మంత్రి కేటీఆర్ భద్రకాళీ బండ్ను శనివారం లాంఛనంగా ప్రారంభించనున్నారు.
కాకతీయ వైభవం ఉట్టిపడేలా
హృదయ్ పథకంలో భాగంగా 25 కోట్ల రూపాయల వ్యయంతో.... కాకతీయ పట్టణాభివృద్ధి సంస్థ ఆధ్వర్యంలో భద్రకాళీ బండ్ను సర్వాంగ సుందరంగా తీర్చిదిద్దింది. మొదటి దశలో 1.1 కిలోమీటర్ల మేర బండ్ను నిర్మించారు. కాకతీయుల కళా వైభవం ఉట్టిపడేలా రాతి కట్టడాలతో.... ఆకర్షణీయంగా నిర్మాణం చేశారు. నగర వాసుల ఆరోగ్యాన్ని దృష్టిలో ఉంచుకుని.... బండ్ పైన ప్రశాంతగా నడక సాగించేందుకు.. ప్రత్యేకంగా సింథటిక్ వాకింగ్ ట్రాక్, వ్యాయామ పరికరాలు ఏర్పాటు చేశారు.