'నేడు ప్రేమికుల దినోత్సవం జరపకూడదు'

పుల్వామా అమరవీరులకు నివాళి అర్పిస్తూ వరంగల్​ అర్బన్​ జిల్లా హన్మకొండలో భజరంగ్​ దళ్​ కార్యకర్తలు ర్యాలీ చేపట్టారు.

పుల్వామాలో భారత జవాన్లపై ఉగ్రదాడి జరిగి నేటికి ఏడాది పూర్తైనందున వరంగల్​ అర్బన్​ జిల్లా హన్మకొండలో భజరంగ్​దళ్​ కార్యకర్తలు ర్యాలీ నిర్వహించారు. దేశంకోసం 40 మంది జవాన్లు అమరులైన నేడు ప్రేమికుల దినోత్సవం ఎవరూ జరపకూడదని పిలుపునిచ్చారు. దేశ సేవలో అమరులైన సైనికులకు నివాళులు అర్పించాలని కోరారు.

హన్మకొండలోని ఏకశిలా పార్క్​ నుంచి అమరవీరుల స్థూపం వరకు ర్యాలీ నిర్వహించారు. అనంతరం పుల్వామా అమరవీరులకు నివాళి అర్పించారు.

• ఇవీ చూడండి:ఫిబ్రవరి 14 ప్రేమికుల రోజు ఎందుకైంది.. దాని వెనకున్న కథేంటి?