Approval: కాకతీయ మెగా టెక్స్​టైల్ పార్కులో కెటెక్స్ పెట్టుబడులకు ఆమోదముద్ర

22:30 August 28

Approval: కాకతీయ మెగా టెక్స్​టైల్ పార్కులో కెటెక్స్ పెట్టుబడులకు ఆమోదముద్ర

వరంగల్ కాకతీయ మెగా టెక్స్​టైల్ పార్కులో కేరళకు చెందిన కెటెక్స్ కంపెనీ పెట్టుబడులకు రాష్ట్ర ప్రభుత్వం ఆమోదముద్ర వేసింది. మెగా ప్రాజెక్టులపై ఏర్పాటైన మంత్రివర్గ ఉపసంఘం మర్రి చెన్నారెడ్డి మానవ వనరుల అభివృద్ధి కేంద్రంలో సమావేశమైంది. మంత్రులు కేటీఆర్, హరీశ్​రావు, జగదీశ్​రెడ్డి, శ్రీనివాస్​గౌడ్, అధికారులు సమావేశంలో పాల్గొన్నారు.

రాష్ట్రంలో పెట్టుబడులు పెట్టేందుకు ముందుకొచ్చిన వివిధ కంపెనీల ప్రతిపాదనలను ఉపసంఘం పరిశీలించింది. వాటన్నింటినీ పూర్తి స్థాయిలో పరిశీలించిన సబ్ కమిటీ.. అందులో కొన్నింటికి ఆమోదం తెలిపింది. అందులో కెటెక్స్ కంపెనీ సహా ఇతర ప్రతిపాదనలు ఉన్నాయి. వరంగల్ కాకతీయ మెగా టెక్స్​టైల్ పార్కులో రూ.వెయ్యి కోట్లతో పెట్టుబడులు పెట్టేందుకు కెటెక్స్ కంపెనీ ముందుకొచ్చింది. ప్రభుత్వ విధానాలు, టీఎస్-ఐపాస్​కు అనుగుణంగా కంపెనీ ప్రతిపాదనలు, రాయితీలకు ఆమోదముద్ర వేసింది. మిగతా మరికొన్ని టెక్స్​టైల్ సహా ఇతర ప్రతిపాదనలకు కూడా మంత్రివర్గ ఉపసంఘం ఆమోదం తెలిపింది.