విహారయాత్రకు వెళ్లి.. గల్లంతయ్యాడు

స్నేహితులతో సరదాగా పాపికొండల విహార యాత్రకు వెళ్లిన ఓ యువకుడు గోదావరిలో జరిగిన ప్రమాదంలో గల్లంతయ్యాడు. తమ కుమారుడు ఎక్కడున్నాడోనని ఆ తల్లితండ్రులు పడుతున్న వేదన చూసి స్థానికులు కన్నీటి పర్యంతమయ్యారు.

వరంగల్​ అర్బన్​ జిల్లా కేంద్రంలోని న్యూశాయంపేటకు చెందిన దోమల హేమంత్​ నిన్న జరిగిన గోదావరి ​ప్రమాదంలో గల్లంతయ్యాడు. ఎంటెక్ పూర్తి చేసిన హేమంత్ హైదరాబాద్​లోని పోలీస్ హౌసింగ్ కార్పొరేషన్ ఏఈగా పని చేస్తున్నాడు. స్నేహితులతో కలిసి సరదాగా పాపికొండల విహారయాత్రకు వెళ్ళిన హేమంత్​ అక్కడ జరిగిన బోట్​ ప్రమాదంలో గల్లంతయ్యాడు. అతనితో పాటు వెళ్లిన నలుగురు సురక్షితంగా బయటపడగా మరో ఇద్దరు యువకుల ఆచూకీ లభించలేదు. విషయం తెలుసుకున్న హేమంత్​ తల్లిదండ్రులు హుటాహుటిన రాజమండ్రికి బయలుదేరారు.

• ఇదీ చూడండి : గల్లంతైన వారి ఆచూకీ కనిపెడుతుంది...!