'నిరుద్యోగ భృతి ఇచ్చే వరకు పోరాటం ఆగదు'

కొలువుల కోసం కొట్లాడుతామని.. నిరుద్యోగ భృతి ఇచ్చే వరకు పోరాటం ఆగదని యూత్ కాంగ్రెస్ వరంగల్ రూరల్ జిల్లా అధ్యక్షులు కొయ్యడ శ్రీనివాస్ అన్నారు. అక్రమ అరెస్టులతో తమ పోరాటాన్ని ఆపలేరని ప్రభుత్వాన్ని హెచ్చరించారు.

నిరుద్యోగ భృతిని తక్షణమే విడుదల చేయాలని యూత్ కాంగ్రెస్ వరంగల్ రూరల్ జిల్లా అధ్యక్షులు కొయ్యడ శ్రీనివాస్ డిమాండ్​ చేశారు. బడ్జెట్ సమావేశాల్లో నిరుద్యోగ భృతి అంశంపై మాట్లాడకపోవడం ప్రభుత్వానికి సిగ్గుచేటన్నారు.

యూత్ కాంగ్రెస్ రాష్ట్ర అధ్యక్షుడు శివసేనారెడ్డి ఆదేశాలతో ఈ రోజు అసెంబ్లీ ముట్టడి కార్యక్రమాన్ని నిర్వహించనున్నామని భయపడిన ప్రభుత్వం.. అక్రమ అరెస్టులు చేయిస్తున్నారన్నారు.

"తెలంగాణ రాష్ట్రం ఏర్పడితే ఇంటికో ఉద్యోగం ఇస్తానని మాట ఇచ్చిన ముఖ్యమంత్రి.. ఈ రోజు నిరుద్యోగులను మరిచారు. నిరుద్యోగులంతా ఏకమై హామీలను నెరవేర్చే విధంగా ఉద్యమించాలి. పోరాడి తెచ్చుకున్న తెలంగాణలో కొట్లాడి కొలువులు తెచ్చుకుందాం."

- కొయ్యడ శ్రీనివాస్, యూత్ కాంగ్రెస్ వరంగల్ రూరల్ జిల్లా అధ్యక్షులు

ఇదీ చూడండి:మిగతా రాష్ట్రాల కంటే తెలంగాణలోనే అద్భుతంగా..: హరీశ్​రావు