రైతు సంక్షేమమే లక్ష్యంగా రాష్ట్ర ప్రభుత్వం అనేక పథకాలు ప్రవేశపెడుతోందని వరంగల్ రూరల్ జడ్పీ ఛైర్పర్సన్ గండ్ర జ్యోతి రెడ్డి అన్నారు. సీఎం కేసీఆర్ రైతు బాంధవుడంటూ కొనియాడారు. శాయంపేట మండలం మైలారంలో పీఏసీఎస్ ఆధ్వర్యంలో ఏర్పాటు చేసిన ధాన్యం కొనుగోలు కేంద్రాన్ని ఆమె ప్రారంభించారు.
'సీఎం కేసీఆర్ రైతు బాంధవుడు' - రైతు సంక్షేమ పథకాలు
వరంగల్ రూరల్ జిల్లా శాయంపేట మండలంలో జడ్పీ ఛైర్పర్సన్ గండ్ర జ్యోతి రెడ్డి పర్యటించారు. మైలారం గ్రామంలో ఏర్పాటు చేసిన ధాన్యం కొనుగోలు కేంద్రం ప్రారంభోత్సవంలో ఆమె పాల్గొన్నారు.
grain purchasing centers
కార్యక్రమం అనంతరం ఎంపీడీఓ కార్యాలయంలో జ్యోతి రెడ్డి సమావేశమయ్యారు. ప్రభుత్వం.. సబ్సిడీ ద్వారా అందిస్తున్న మోటర్లను లబ్ధిదారులకు అందజేశారు. రైతు పండించిన ప్రతి గింజను ప్రభుత్వం కొనుగోలు చేస్తోందని వివరించారు. ఈ కార్యక్రమంలో ఎంపీపీ, పీఏసీఎస్ ఛైర్మన్, వైస్ ఛైర్మన్, వ్యవసాయ అధికారులు, ప్రజాప్రతినిధులు, కార్యకర్తలు, తదితరులు పాల్గొన్నారు.
ఇదీ చదవండి:రాబోయే రెండు రోజుల్లో తేలికపాటి వర్షాలు