'రైతులు అధైర్యపడొద్దు.. ప్రతి గింజను కొంటాం'

అకాల వర్షంతో వరంగల్​ గ్రామీణ జిల్లా వర్ధన్నపేట మున్సిపాలిటీ పరిధిలోని కొనుగోలు కేంద్రాల్లో ఉంచిన ధాన్యం తడిసిపోయింది. ఆరుగాలం కష్టపడి పండించిన పంట నీటిపాలైందని అన్నదాతలు ఆవేదన చెందుతున్నారు.

వరంగల్​ గ్రామీణ జిల్లా వర్ధన్నపేట పురపాలికలో అకాల వర్షంతో పంట పొలాలు, కొనుగోలు కేంద్రాల్లో ఉంచిన ధాన్యం తడిసిపోయింది. ఆరుగాలం కష్టపడిన పంటంతా నీటిపాలైందని అన్నదాతలు ఆవేదన వ్యక్తం చేశారు.

మున్సిపల్​ ఛైర్​పర్సన్​ అంగోతు అరుణ నీటమునిగిన ధాన్యాన్ని పరిశీలించారు. రైతులు అధైర్యపడకూడదని, ప్రతి గింజను ప్రభుత్వమే కొనుగోలు చేస్తుందని భరోసా ఇచ్చారు.