ముంబైలో అంబేడ్కర్ గృహంపై దాడికి పరకాలలో నిరసన

మహారాష్ట్ర ముంబైలో అంబేడ్కర్​ నివాసంపై జరిగిన దాడిని నిరసిస్తూ ఎస్సీ, ఎస్టీ సంఘాల యువకులు వరంగల్​ గ్రామీణ జిల్లా పరకాల బస్టాండ్​ నుంచి అంబేడ్కర్ విగ్రహం వరకు ర్యాలీ చేపట్టారు. దాడికి పాల్పడిన వారందరినీ కఠినంగా శిక్షించాలంటూ నినాదాలు చేశారు.

వరంగల్​ గ్రామీణ జిల్లా పరకాల పట్టణంలో ఎస్సీ, ఎస్టీ సంఘాల ఆధ్వర్యంలో ధర్నా కార్యక్రమాన్ని నిర్వహించారు. మహారాష్ట్ర ముంబైలో అంబేడ్కర్​ నివాసంపై జరిగిన దాడిని నిరసిస్తూ ఎస్సీ, ఎస్టీ సంఘాల యువకులు పరకాల బస్టాండ్​ నుంచి స్థానిక అంబేడ్కర్ విగ్రహం వరకు ర్యాలీ చేపట్టారు.

అంబేడ్కర్​ ఇంటిపై జరిగిన దాడిలో పాల్గొన్న ప్రతి ఒక్కరిని వెంటనే శిక్షించాలని కేంద్ర ప్రభుత్వాన్ని డిమాండ్ చేశారు. అంబేడ్కర్​ ఇంటిపైన దాడి జరిగితే అది దేశంపై జరిగినట్లుగా పరిగణించాలని.. బాధ్యులపై కఠినంగా చర్యలు తీసుకోవాలని వారు సర్కారును కోరారు.

ఇవీ చూడండి:సచివాలయం భవనాల కూల్చివేత పనులకు బ్రేక్