ఎమ్మెల్యే చల్లా ధర్మారెడ్డికి చేదు అనుభవం

పరకాల ఎమ్మెల్యే చల్లా ధర్మారెడ్డికి చేదు అనుభవం ఎదురైంది. గుండెపోటుతో మృతి చెందిన ఆర్టీసీ కండక్టర్ రవీందర్​ మృతదేహానికి నివాళి అర్పించేందుకు వచ్చిన ఎమ్మెల్యేను కార్మికులు అడ్డుకున్నారు.

వరంగల్​ రూరల్​ జిల్లా ఆత్మకూరులో గుండెపోటుతో ఆర్టీసీ కండక్టర్​ రవీందర్​ మృతి చెందాడు. ఆయన మృతదేహానికి నివాళి అర్పించేందుకు వచ్చిన పరకాల ఎమ్మెల్యే చల్లాధర్మారెడ్డిని కార్మికులు అడ్డుకున్నారు. గో బ్యాక్​ ధర్మారెడ్డి అంటూ నినాదాలు చేశారు.

మృతి చెందిన కుటుంబానికి ఆర్థిక సాయం చేసి కుటుంబంలో ఒకరికి ఉద్యోగ అవకాశం కల్పిస్తామని ఎమ్మెల్యే హామీ ఇచ్చారు. నివాళి అర్పించిన వెంటనే... ధర్మారెడ్డి అక్కడి నుంచి వెళ్లిపోయారు.

• ఇదీ చూడండి : ఆర్టీసీని ప్రైవేటీకరించినా... 'జడ్​' కొనసాగించాలి: అసద్