ఆర్టీసీ బస్సు ఎడ్లబండిని ఢీ కొట్టిన ఘటన వరంగల్ రూరల్ జిల్లా దామెర మండలం ఊరుకొండ వద్ద చోటుచేసుకుంది. వరంగల్ డిపో-2కు చెందిన బస్సు హన్మకొండ నుంచి ఏటూరునాగారం వెళ్తున్న క్రమంలో ఊరుకొండ వద్ద ఎడ్లబండిని ఢీ కొట్టింది.
ఎడ్ల బండిని ఢీ కొట్టిన ఆర్టీసీ బస్సు అందులోని ముగ్గురు తీవ్రంగా గాయపడగా.. వారిని ఆస్పత్రికి తరలించారు. ఈ ఘటనలో ఒక ఎద్దు తీవ్రంగా గాయపడింది. బస్సులో ప్రయాణిస్తున్న వారు సురక్షితంగా బయటపడ్డారు. తాత్కాలిక డ్రైవర్ బస్సును అక్కడే వదిలేసి పారిపోయాడు.
సంఘటనాస్థలికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు.
