నాగారంలో సీఎం కేసీఆర్ చిత్రపటానికి పాలాభిషేకం

తెలంగాణ సీఎం కేసీఆర్​ చిత్రపటానికి వరంగల్​ గ్రామీణ​ జిల్లా పరకాల మండలం నాగారంలో రైతు సమన్వయ సమితి ఆధ్వర్యంలో పాలాభిషేకం చేశారు. కరోనా, లాక్​డౌన్​ వంటి ఆపత్కాలంలోనూ రైతు సంక్షేమానికి కేసీఆర్​ పెద్దపీట వేస్తున్నారని ఆర్​ఎస్ఎస్​ ప్రతినిధులు తెలిపారు.

వరంగల్​ గ్రామీణ​ జిల్లా పరకాల మండలం నాగారంలో రాష్ట్ర ముఖ్యమంత్రి కల్వకుంట్ల చంద్రశేఖర్​ రావు చిత్రపటానికి రైతు సమన్వయ సమితి (ఆర్​ఎస్​ఎస్​) ప్రతినిధులు పాలాభిషేకం చేశారు. నాగారం గ్రామ రైతు కో ఆర్డినేటర్​ మద్దెల బాబు ఆధ్వర్యంలో ఈ కార్యక్రమం నిర్వహించారు.

కరోనా విజృంభిస్తున్న కాలంలోనూ రైతులకు ఎకరానికి రూ. 10 వేల పంట సాయం అందిస్తున్న గొప్ప వ్యక్తి కేసీఆర్​ అని ఆర్​ఎస్​ఎస్ జిల్లా అధ్యక్షుడు భిక్షపతి అన్నారు. రైతును రాజుగా చేయాలని కేసీఆర్​ కలలు కంటున్నారని ఆర్​ఎస్​ఎస్​ జిల్లా డైరెక్టర్​ చింతరెడ్డి సాంబరెడ్డి తెలిపారు. కొనుగోలు కేంద్రాల ద్వారా రాష్ట్రంలోని రైతుల నుంచి ప్రతి గింజ ధాన్యం కొన్న ఘనత ముఖ్యమంత్రి చంద్రశేఖర్​రావుకే దక్కుతుందని పరకాల ఏఎంసీ ఛైర్మన్​ బొజ్జం రమేశ్​ పేర్కొన్నారు.

ఇదీ చూడండి:-చైనా దాడిని వ్యతిరేకిస్తూ పట్నా వాసుల వినూత్న నిరసన