కోనారెడ్డి చెరువుకు పూజలు చేసిన ఎమ్మెల్యే

వరంగల్ గ్రామీణ జిల్లా వర్ధన్నపేట పట్టణ పరిధిలోని కోనారెడ్డి చెరువు ఉధృతంగా ఎగసిపడుతోంది. గతంలో ఎన్నడూ లేని విధంగా అలుగు పారుతూ మత్తడి దూకుతోంది. ముంపు ప్రాంతాలకు ప్రమాదం పొంచి ఉందన్న సమాచారంతో.. స్థానిక ఎమ్మెల్యే రమేష్ కోనారెడ్డి చెరువుకు ప్రత్యేక పూజలు నిర్వహించారు.

వరంగల్​ గ్రామీణ జిల్లా వర్ధన్నపేట పట్టణ పరిధిలోని కోనారెడ్డి చెరువు పూర్తిగా నిండింది. గతంలో ఎన్నడూ లేని విధంగా అలుగు పారుతూ.. మత్తడి దూకుతుండడం వల్ల ముంపు ప్రాంతాల ప్రజలు ఆందోళన చెందుతున్నారు. సమాచారం అందుకున్న స్థానిక ఎమ్మెల్యే చెరువు కట్ట మీద ఉన్న కట్ట మైసమ్మకు ప్రత్యేక పూజలు చేశారు.

ఎన్నడూ లేని విధంగా కోనారెడ్డి చెరువు పూర్తిస్థాయిలో నిండడం పట్ల ఎమ్మెల్యే సంతోషం వ్యక్తం చేశారు. చెరువు పరిసర ప్రాంతాలకు నీరు సమృద్ధిగా అందుతుందని ఆకాక్షించారు. ముంపు ప్రాంతాల ప్రజలు ఆందోళన చెందాల్సిన అవసరం లేదని.. ఎమ్మెల్యే ధైర్యం చెప్పారు.

ఇదీ చూడండి :'మెడికల్ హబ్​గా హైదరాబాద్​ మహానగరం'