'కొనుగోలు కేంద్రాల్లో రైతులు భౌతికదూరం పాటించాలి'

వరంగల్ గ్రామీణ జిల్లా పర్వతగిరి మండలం చౌటపల్లిలో మార్క్​ఫెడ్ ఆధ్వర్యంలో మక్కల కొనుగోలు కేంద్రాన్ని ఎమ్మెల్యే ఆరూరి రమేశ్​ ప్రారంభించారు. కొనుగోలు కేంద్రాల్లో రైతులు భౌతికదూరం పాటించాలని కోరారు.

ప్రపంచ దేశాలను గడగడలాడిస్తోన్న కరోనా మహమ్మారి బారిన పడకుండా రైతులందరూ కొనుగోలు కేంద్రాల వద్ద భౌతికదూరాన్ని పాటించాలని ఎమ్మెల్యే ఆరూరి రమేశ్​ కోరారు. వరంగల్ గ్రామీణ జిల్లా పర్వతగిరి మండలం చౌటపల్లిలో మార్క్​ఫెడ్ ఆధ్వర్యంలో మక్కల కొనుగోలు కేంద్రాన్ని ఎమ్మెల్యే ప్రారంభించారు.

రైతులకు ఎలాంటి ఇబ్బందులు కలగకుండా కొనుగోలు కేంద్రాల వద్ద శానిటైజేషన్, త్రాగునీరు వంటి ఏర్పాట్లను తప్పనిసరిగా చేయాలని అధికారులకు సూచించారు. టోకెన్ పద్ధతిలోనే ధాన్యం కొనుగోళ్లు చేయాలన్నారు. ప్రజలందరూ లాక్​డౌన్ నిబంధనలు పాటించాలని, అనవసరంగా రోడ్లపైకి రావద్దని ఎమ్మెల్యే కోరారు.

'కొనుగోలు కేంద్రాల్లో రైతులు భౌతికదూరం పాటించాలి'

ఇదీ చూడండి:కరోనాపై గొప్ప సందేశమిస్తోన్న 6 నెలల చిన్నారి!