'వేతనాలు చెల్లించకపోతే ఆందోళన ఉద్ధృతమే'

పని చేస్తున్నారు... కానీ జీతాలు మూడు నెలలుగా అందడం లేదు. ఇళ్లు గడవడం కష్టంగా మారింది. బకాయిలు చెల్లించాలని డిమాండ్​ చేస్తూ.. వరంగల్​ ఎంజీఎం ఆసుపత్రి కాంట్రాక్టు ఉద్యోగులు ఆందోళనకు దిగారు.

మూడు నెలల పెండింగ్​ వేతనాలను చెల్లించాలని డిమాండ్​ చేస్తూ.. వరంగల్​ నగరంలో ఎంజీఎం కాంట్రాక్టు ఉద్యోగులు ఆందోళనకు దిగారు. ఆసుపత్రిలో ఒప్పంద ఉద్యోగులుగా పనిచేస్తున్న పారిశుద్ధ్య, సెక్యూరిటీ సిబ్బంది.. విధులను బహిష్కరించి ధర్నా చేపట్టారు. పెండింగ్​లో ఉన్న వేతనాలతో పాటు.. ఈఎస్​ఐ, పీఎఫ్​ సౌకర్యం కల్పించాలంటూ.. ఆసుపత్రి గేటు ముందు బైఠాయించారు. తమ సమస్యలు పరిష్కరించని పక్షంలో ఆందోళన ఉద్ధృతం చేస్తామని హెచ్చరించారు.

గతంలో ఆసుపత్రి కార్యనిర్వహణ అధికారి దృష్టికి తీసుకెళ్లిన ఫలితం లేకపోయిందని... అందుకే ధర్నాకు దిగామని ఉద్యోగులు చెబుతున్నారు.

ఇదీ చూడండి: కూతురిని చంపి.. ఆత్మహత్య చేసుకున్న తల్లి