ప్రాదేశిక ఎన్నికల్లో పంచాయతీ రాజ్​శాఖ మంత్రి ప్రచారం

కాంగ్రెస్ పార్టీ ప్రజలకు చేసిందేమి లేదని పంచాయతీ రాజ్ శాఖ మంత్రి ఎర్రబెల్లి దయాకర్​రావు ఆరోపించారు. రాయపర్తి మండలంలో ప్రాదేశిక ఎన్నికల ప్రచారంలో ఆయన నిర్వహించారు.

వరంగల్ గ్రామీణ జిల్లా రాయపర్తి మండలంలోని రాయపర్తి, మైలారం గ్రామాల్లో జడ్పీటీసీ, ఎంపీటీసీ అభ్యర్థులను గెలిపించాలని కోరుతూ పంచాయతీ రాజ్​శాఖ మంత్రి ఎర్రబెల్లి దయాకర్​రావు ప్రచారం నిర్వహించారు. ఆయా గ్రామాల్లో ఏర్పాటు చేసిన ప్రచార సభలో మాట్లాడారు. సంక్షేమ పథకాలు ప్రవేశ పెట్టి వాటి అభివృద్ధికై తెరాస ప్రభుత్వం పాటు పడుతోందని ఎర్రబెల్లి అన్నారు. తెరాస అభ్యర్థులను గెలిపించాలని కోరారు.