అదుపుతప్పి డివైడర్​ ఎక్కిన లారీ...

అతివేగం కారణంగా ఓ టిప్పర్​లారీ అదుపుతప్పి... ఏకంగా డివైడర్​ ఎక్కింది. ఈ ఘటనలో డ్రైవర్​ స్వల్వ గాయాలతో బయటపడగా... ఎవరికీ ఎలాంటి ప్రమాదం జరగలేదు.

వరంగల్ రూరల్ జిల్లా పరకాలలో ఆర్టీసీ బస్టాండ్ ఎదురుగా టిప్పర్ లారీ అదుపుతప్పి డివైడర్​ పైకి దూసుకెళ్లింది. ఈ ఘటన జరిగిన సమయంలో రోడ్డుపై జనసంచారం లేకపోవటం వల్ల ప్రాణాపాయం తప్పింది. టిప్పర్ కూడా ఖాళీగా ఉండటం వల్ల పెద్ద ప్రమాదం తప్పింది. ఈ ఘటనలో టిప్పర్ డ్రైవర్​ స్వల్ప గాయాలతో బయటపడ్డాడు.

పోలీసులు ఘటనాస్థలికి చేరుకుని వాహనాన్ని రోడ్డు మీద నుంచి తొలగించారు. ఈ క్రమంలో రోడ్డుపై కాసేపు ట్రాఫిక్​ నిలిచిపోయింది. ప్రైవేట్ వాహనాల డ్రైవర్లు అప్రమత్తంగా ఉండాలని పోలీసులు సూచించారు. ప్రాణాపాయం జరిగే విధంగా డ్రైవింగ్ చేస్తే కఠిన చర్యలు తప్పవని పోలీసులు హెచ్చరించారు. ఎన్ని సార్లు హెచ్చరించినా లారీ డ్రైవర్లు నిర్లక్ష్యంగా నడిపిస్తున్నారని అసహనం వ్యక్తం చేశారు.

ఇవీ చూడండి:ఏ పరిస్థితులైనా ఎదుర్కొనేందుకు సిద్ధంగా ఉన్నాం: ఈటల