వరంగల్ గ్రామీణ జిల్లా శాయంపేట మండలం పత్తిపాక గ్రామానికి చెందిన సింధు ఇంటర్మీడియట్ పరీక్షలు ఫెయిల్ కావడం వల్ల మనస్తాపానికి గురై ఆత్మహత్యాయత్నం చేసింది. తల్లిదండ్రులు కూలి పనుల కోసం బయటకి వెళ్లిన సమయంలో పురుగుల మందు తాగింది. మొదటి సంవత్సరంలో అత్యధిక మార్కులతో ఉత్తీర్ణత సాధిస్తానని ఆశతో ఉన్న సింధు.. ఒక సబ్జెక్టులో ఫెయిల్ కావడంతో తీవ్ర మనస్తాపానికి గురైంది. బాధితురాలు ఓ ప్రైవేట్ ఆస్పత్రిలో చికిత్స పొందుతోంది. సింధు పరిస్థితి విషమంగా ఉన్నట్లు వైద్యులు తెలిపారు. ఈ ఘటనపై శాయంపేట పోలీసులు దర్యాప్తు చేస్తున్నారు.
చికిత్స పొందుతున్న సింధు