వైద్య కళాశాలలో కరోనా నిర్ధరణ కేంద్రం ఏర్పాటు

వరంగల్ కాకతీయ వైద్య కళాశాలలో కరోనా పరీక్షల నిర్ధరణ కేంద్రాన్ని మంత్రులు ఎర్రబెల్లి దయాకరరావు, సత్యవతి రాఠోడ్​లు కలిసి ప్రారంభించారు. ఉమ్మడి వరంగల్, ఖమ్మం జిల్లాలకు సంబంధించిన కరోనా కేసుల పరీక్షలను ఇక్కడ నిర్వహిస్తారని తెలిపారు.

వరంగల్ కాకతీయ వైద్య కళాశాలలో కరోనా పరీక్షల నిర్ధరణ కేంద్రం ఏర్పాటైంది. కోటి డెబ్భై లక్షల వ్యయంతో ఏర్పాటు చేసిన వైరాలజీ ల్యాబ్​ను మంత్రులు ఎర్రబెల్లి దయాకరరావు, సత్యవతి రాఠోడ్ ప్రారంభించారు. ఉమ్మడి వరంగల్, ఖమ్మంకు సంబంధించి కరోనా కేసుల పరీక్షలను ఇక్కడ నిర్వహిస్తారు. రోజూ వంద మందికి పరీక్షలు చేసేందుకు అవకాశం ఉందన్నారు.

లాక్​డౌన్ సమయంలో పేదలేవరూ పస్తులుండకూడదని భావించి ముఖ్యమంత్రి అనేక సదుపాయాలు కల్పిస్తున్నారని మంత్రి సత్యవతి రాఠోడ్ అన్నారు. కరోనాతోపాటు ఇతర రకాల వైరస్​ల​ను కూడా ఇక్కడ నిర్ధరించే వీలుంది.

ఆర్థిక ఇబ్బందులను పట్టించుకోకుండా కరోనా నియంత్రణకు ప్రభుత్వం నిర్విరామంగా పని చేస్తోందని మంత్రి ఎర్రబెల్లి అన్నారు. ప్రజలు కూడా సహకరించాలని విజ్ఞప్తి చేశారు. వైరాలజీ ల్యాబ్​ను ఏర్పాటు చేసినందుకు సీఎం కేసీఆర్, కేంద్రానికి మంత్రులు కృతజ్ఞతలు తెలిపారు.

ఇదీ చూడండి :శ్రీమంతానికి వెళ్తుండగా ప్రమాదం.. గర్భిణీ మృతి