ప్రతిపక్షాలవి చౌకబారు విమర్శలు: మంత్రి ఎర్రబెల్లి

వరంగల్​ గ్రామీణ జిల్లాలో మంత్రి ఎర్రబెల్లి దయాకర్​రావు పర్యటించారు. పర్వతగిరి, అన్నారం చెరువులను మినీట్యాంక్​బండ్​గా మార్చే పనులను ఎమ్మెల్యే రమేశ్​తో కలిసి పరిశీలించారు. ప్రతి పక్షాలు చౌకదారు రాజకీయాలు మానుకోవాలని సూచించారు.

కరోనా విషయంలో రాష్ట్ర ప్రభుత్వం తీసుకుంటున్న చర్యలపై భాజపా నాయకులకు మాట్లాడే అర్హత లేదని మంత్రి ఎర్రబెల్లి దయాకర్​రావు విమర్శించారు. వరంగల్​ గ్రామీణ జిల్లాలో మంత్రి పర్యటించారు. పర్వతగిరి, అన్నారం చెరువులను మినీట్యాంక్​బండ్​గా మార్చే పనులను ఎమ్మెల్యే రమేశ్​తో కలిసి పరిశీలించారు.

అనంతరం హరితహారం కార్యక్రమంలో భాగంగా మొక్కలు నాటారు. పర్యతగిరి మండలంలో పలు అభివృద్ధి పనులు చేపడుతున్నట్లు మంత్రి తెలిపారు. సీఎం ఆశీర్వాదంతో ఉమ్మడి వరంగల్​ జిల్లాను అన్నిరకాలుగా అభివృద్ధి చేస్తున్నామని చెప్పారు. కరోనా వల్ల ఇబ్బందులు ఎదుర్కొంటున్న ప్రజలకు కాంగ్రెస్​, భాజపా ఎం చేశాయో చెప్పాలని డిమాండ్​ చేశారు. ప్రతి పక్షాలు చౌకబారు రాజకీయాలు మానుకోవాలని సూచించారు. తెలంగాణ ప్రజల అభివృద్ధే లక్ష్యంగా తెరాస పనిచేస్తోందని వివరించారు.