నెక్కొండలో పట్టాలు తప్పిన గూడ్స్ రైలు

వరంగల్ గ్రామీణ జిల్లా నెక్కొండలోని రైల్వే స్టేషన్ సమీపంలో ఉన్న ప్రైవేటు గోదాంల వద్ద గూడ్స్ రైలు పట్టాలు తప్పింది. ఈ ఘటనలో ఎలాంటి ఆస్తి, ప్రాణ నష్టం జరగలేదు.

వరంగల్ గ్రామీణ జిల్లా నెక్కొండ మండల కేంద్రంలోని రైల్వేస్టేషన్ సమీపంలో ఉన్న ప్రైవేట్ గోదాంల( చల్లా గోదాంల) వద్ద ప్రమాదవశాత్తు గూడ్స్ రైలు పట్టాలు తప్పింది. నెక్కొండ రైల్వే స్టేషన్ నుంచి ప్రైవేట్ గోదాంలలోకి గూడ్స్ బండి వెళ్తుండగా... ఈ ప్రమాదం చోటుచేసుకుంది. ఈ ఘటనలో 3 డబ్బాలు పట్టాలు తప్పాయి.

అదృష్టవశాత్తు ఎలాంటి ఆస్తి, ప్రాణ నష్టం సంభవించలేదు. ప్రస్తుతం కాజీపేట-విజయవాడ మార్గంలో రైళ్లు యధావిధిగా నడుస్తున్నాయి. సంఘటనా స్థలానికి గోదాంల యాజమాన్యం ఎవరినీ అనుమతించలేదు. పూర్తి వివరాలను వెల్లడించలేదు.

ఇదీ చదవండి:18 రోజుల్లో 4 శాతానికి పైగా దిగువకు కరోనా కేసులు