ఎమ్మెల్సీ ఎన్నికల ప్రచారంలో సీపీఎం నేత తమ్మినేని

ఎమ్మెల్సీ ఎన్నికల ప్రచారం గడువు నేటితో ముగియనుండడంతో పలు రాజకీయ పార్టీలు తమ ప్రచార కార్యక్రమాలను ముమ్మరం చేశాయి. ఈ సందర్భంగా వరంగల్​ రూరల్​ జిల్లా నర్సంపేటలో సీపీఎం రాష్ట్ర కార్యదర్శి తమ్మినేని వీరభద్రం బైక్​ ర్యాలీ నిర్వహించారు.

వరంగల్- ఖమ్మం- నల్గొండ పట్టభద్రుల ఎన్నికల్లో తమ పార్టీ అభ్యర్థి జయసారధిరెడ్డిని గెలిపించాలని సీపీఎం రాష్ట్ర కార్యదర్శి తమ్మినేని వీరభద్రం కోరారు. ఎన్నికల ప్రచారం గడువు నేటితో ముగియనుండడంతో వరంగల్​ గ్రామీణ జిల్లా నర్సంపేటలో ఆయన బైక్​ ర్యాలీని నిర్వహించారు.

నర్సంపేటలోని పాకాల సెంటర్ నుంచి అమరవీరుల స్తూపం వరకు సీపీఎం చేపట్టిన బైక్​ ర్యాలీ కొనసాగింది. ఈ కార్యక్రమంలో పాల్గొన్న కార్యకర్తలు విజయసారధి రెడ్డిని గెలిపించాలని ఓటర్లను కోరారు.

ఇదీ చదవండి:నాసిరకం ఇసుకతో చెక్ డ్యాం నిర్మాణం: సీపీఎం