వర్ధన్నపేటలో పోలీసులు, భాజపా నేతల వాగ్వాదం

బండి సంజయ్​ పట్ల పోలీసుల తీరును నిరసిస్తూ వర్ధన్నపేటలో భాజపా శ్రేణులు ఆందోళన చేపట్టాయి. నిరసనతో ట్రాఫిక్​ ఇరువైపులా నిలిచిపోయింది. పోలీసులు ఆందోళనకారులను చెదరగొట్టే ప్రయత్నంలో ఇరు వర్గాల మధ్య తోపులాట జరిగింది. నిరసనకారులను అరెస్ట్ చేసి ట్రాఫిక్​ నియంత్రించారు.

వరంగల్ గ్రామీణ జిల్లా వర్ధన్నపేట పట్టణంలో భాజపా శ్రేణులకు, పోలీసులకు మధ్య తోపులాట చోటు చేసుకుంది. బండి సంజయ్​పై జరిగిన పోలీసుల దాడిని ఖండిస్తూ జిల్లా భాజపా నేతలు వర్ధన్నపేటలోని ఖమ్మం - వరంగల్ జాతీయ రహదారిపై ఆందోళకు దిగారు. ఫలితంగా ఇరువైపులా భారీగా వాహనాలు నిలిచిపోయాయి. ఆందోళనకారులను పోలీసులు చెదరగొట్టి అరెస్ట్ చేశారు.

ఈ క్రమంలో పోలీసులకు భాజపా నేతలకు మధ్య తీవ్ర వాగ్వాదం జరిగి... తోపులాటకు దారితీసింది. నిరసనకారులు దిష్టి బొమ్మను దహనం చేయడాన్ని పోలీసులు అడ్డుకున్నారు. వారిని అరెస్ట్ చేసి ట్రాఫిక్​ను క్రమబద్ధీకరించారు.

ఇదీ చదవండి:సిద్దిపేట ఉద్రిక్తతల నేపథ్యంలో బండి సంజయ్​ దీక్ష