గ్రామస్థులకు కలెక్టర్ శ్వేతా మహంతి హెచ్చరిక

30 రోజుల ప్రణాళికలో భాగంగా వనపర్తి జిల్లా కనిమెట్టలో వనపర్తి జిల్లా కలెక్టర్​ శ్వేతా మహంతి పర్యటించారు. కొత్తగా నిర్మిస్తున్న ఇంకుడు గుంతలను పరిశీలించారు. పరిసరాలన్నీ పరిశుభ్రంగా ఉంచుకోవాలని గ్రామస్థులకు సూచించారు.

వనపర్తి జిల్లాలో పర్యటించిన పాలనాధికారి శ్వేతా మహంతి... కనిమెట్ట గ్రామంలోని ప్రాథమిక పాఠశాలలో మొక్కలు నాటారు. గ్రామంలోని పలు కాలనీలను పరిశీలించారు. ఇళ్ల నుంచి మురుగునీరు బయటకు వదలడం గమనించారు. అలా చేసిన వారికి జరిమానా విధించాలని అధికారులను ఆదేశించారు. నీటిని ఎక్కువ కాలం నిల్వ చేయకూడదని హెచ్చరించారు. ఇంటితో పాటు పరిసరాలను పరిశుభ్రంగా ఉంచుకోవాలని ప్రజలకు సూచించారు. గ్రామస్థులంతా అభివృద్ధికి కలిసికట్టుగా కృషి చేయాలన్నారు.

• ఇదీ చూడండి : బతికున్న వ్యక్తికి శవయాత్ర- కారణం అద్భుతం!