ఆటో బోల్తా... ముగ్గురు మృతి... 16 మందికి గాయాలు

ఒకే కుంటుబానికి చెందిన వ్యక్తులు ప్రయాణిస్తున్న ఆటో ఒక్కసారిగా బోల్తాపడింది. ఈ ప్రమాదంలో ఇద్దరు అక్కడికక్కడే మృతి చెందగా... మరొకరు చికిత్స పొందతూ మరణించారు. మిగతా 16 మందికి తీవ్ర గాయాలయ్యాయి. ఈ ఘటన వనపర్తి జిల్లా రంగాపూర్​ వద్ద జరిగింది.

వనపర్తి జిల్లా పెబ్బేరు మండలం రంగాపూర్ వద్ద ఘోర రోడ్డు ప్రమాదం సంభవించింది. ఆటో బోల్తా పడిన ఘటనలో ముగ్గురు మృత్యువాత పడ్డారు. పెబ్బేరుకు చెందిన కుటుంబం ఎర్రవల్లి నుంచి పెబ్బేరుకు ఆటోలో ప్రయాణిస్తుండగా... ప్రమాదవశాత్తు రంగాపూర్​ సమీపంలో బోల్తా పడింది.

ఈ ఘటనలో ఎలీసా అనే బాలుడితో పాటు మరో వ్యక్తి అక్కడిక్కడే మృతి చెందారు. మిగతా 17 మందికి గాయాలయ్యాయి. తీవ్రంగా గాయపడిన ఏడుగురిని మొదట వనపర్తి ఆసుపత్రికి, అక్కడి నుంచి మహబూబ్​నగర్ ప్రభుత్వ ఆసుపత్రికి తరలించారు. చికిత్స పొందుతున్న క్రమంలో మరో వ్యక్తి మరణించారు. మిగిలిన వారికి వనపర్తి ప్రభుత్వ ఆసుపత్రిలో చికిత్స అందిస్తున్నారు. అందరూ ఒకే కుటుంబానికి చెందిన వారు కావటం వల్ల బంధువులంతా శోకసంద్రంలో మునిగిపోయారు.

ఇవీ చూడండి:మద్యం దొంగలను పట్టించిన సీసీ కెమెరాలు