కలెక్టరేట్​ ఆవరణలో స్వాతంత్య్ర దినోత్సవ వేడుకలు

స్వాతంత్య్ర దినోత్సవ వేడుకలు వనపర్తి జిల్లా కలెక్టరేట్ ఆవరణంలో నిరాడంబరంగా జరిగాయి. మంత్రి నిరంజన్ రెడ్డి మువ్వన్నెల జెండా ఆవిష్కరించారు.

స్వాతంత్య్ర దినోత్సవ సందర్భంగా వనపర్తి జిల్లా కలెక్టరేట్ ఆవరణంలో మువ్వన్నెల జెండా ఆవిష్కరణ వేడుకలు నిర్వహించారు. ఈ వేడుకలకు రాష్ట్ర వ్యవసాయ శాఖ మంత్రి నిరంజన్ రెడ్డి ముఖ్యఅతిథిగా హాజరయ్యారు. మొదటగా జాతీయ నాయకుల చిత్రపటాలకు వందన సమర్పించారు. అనంతరం పోలీసుల గౌరవ వందనాన్ని స్వీకరించి.. జాతీయ జెండా ఆవిష్కరించారు.

ఈ సందర్భంగా జిల్లాలో చేపట్టిన పలు అభివృద్ధి కార్యక్రమాలను ప్రజలకు మంత్రి వివరించారు. అనంతరం పలువురికి రాయితీ ట్రాక్టర్లను పంపిణీ చేశారు. జిల్లాలోని పలు మండలాల్లోని మహిళా సంఘాల సభ్యులకు మంజూరైన రుణాలకు సంబంధించిన చెక్కులను అందజేశారు.

ఇదీ చూడండి:ప్రభుత్వ, పార్టీ కార్యాలయాల్లో ఉత్సాహంగా స్వాతంత్య్ర వేడుకలు