బొలెరో వాహనం బోల్తా.. 5 మందికి తీవ్ర గాయాలు

కూలీలతో వెళుతున్న బొలెరో వాహనం బోల్తాపడి 5 మంది తీవ్రంగా గాయపడిన ఘటన వనపర్తి జిల్లా అమ్మాయిపల్లి సమీపంలో చోటుచేసుకుంది.

వనపర్తి జిల్లా చిన్నంబావి మండలం అమ్మాయిపల్లి సమీపంలో బొలెరో వాహనం బోల్తా పడి 5 మందికి తీవ్ర గాయాలయ్యాయి. మరో నలుగురికి స్వల్ప గాయాలయ్యాయి. క్షతగాత్రులను వనపర్తి ప్రభుత్వ ఆసుపత్రికి తరలించారు. బాధితులంతా.. వెలగొండ గ్రామానికి చెందిన కూలీలు.. కూలీ పని కోసం చిన్నమారూర్ గ్రామానికి వెళుతుండగా.. పశువుల మందను తప్పించే క్రమంలో ప్రమాదం జరిగినట్లు తెలుస్తోంది.