ఉమ్మడి మహబూబ్నగర్ జిల్లా వ్యాప్తంగా ద్విచక్ర వాహన చోరీలకు పాల్పడుతున్న దొంగలను వనపర్తి పోలీసులు అరెస్ట్ చేశారు. వారి నుంచి 29 బైకులను స్వాధీనం చేసుకున్నారు. వనపర్తి జిల్లా కేంద్రంలోని టౌన్ పోలీస్ స్టేషన్లో మీడియా సమావేశంలో డీఎస్పీ కిరణ్ కుమార్ వివరాలు తెలిపారు.
ఎస్సై వెంకటేశ్ విధి నిర్వహణలో భాగంగా ద్విచక్ర వాహనాల తనిఖీ నిర్వహిస్తున్నారు. అప్పుడు చీర్ల ఈశ్వర్, చీర్ల కృష్ణయ్యలను తమ వాహనానికి సంబంధించిన పత్రాలను చూపించమని అడిగారు. పొంతనలేని సమాధానలు చెప్పడంతో వారిని స్టేషన్కు తరలించి విచారించగా అసలు విషయం బయటపడింది. తాము బైకులను దొంగలించి అమ్ముతామని ఒప్పుకున్నారు. ఈ చోరీలలో సహాయపడిన వారి వివరాలు సేకరించి వారిని కూడా పోలీసులు అరెస్టు చేశారు.