ఎమ్మెల్యే ఔదార్యం... ప్రమాదానికి గురైన వ్యక్తికి ప్రథమ చికిత్స

ఎమ్మెల్యే మెతుకు ఆనంద్​ ఔదార్యం చాటుకున్నారు. ప్రమాదానికి గురైన ఓ వ్యక్తికి నడిరోడ్డుపైనే ప్రథమచికిత్స అందించారు. ఎమ్మెల్యే వెళ్తున్న దారిలో ఓ వ్యక్తి రోడ్డు ప్రమాదానికి గురయ్యారు. మెతుకు ఆనంద్​ వైద్యుడు కావడంతో ఆ వ్యక్తికి తక్షణమే ప్రథమచికిత్స చేసి ప్రాణాలు కాపాడారు. సమీపంలోని ప్రభుత్వ ఆసుపత్రికి తరలించారు.

ప్రమాదానికి గురైన ఓ గుర్తు తెలియని వ్యక్తిని వికారాబాద్ ఎమ్మెల్యే మెతుకు ఆనంద్ రక్షించారు. వికారాబాద్ పట్టణంలో కొండా బాలకృష్ణరెడ్డి గార్డెన్ ముందు గుర్తు తెలియని వ్యక్తి రోడ్డు ప్రమాదానికి గురయ్యారు. అదే రోడ్ మీదుగా వెళ్తున్న ఎమ్మెల్యే మెతుకు ఆనంద్... ఆ వ్యక్తిని గమనించి... తన వాహనం దిగి ప్రమాదం జరిగిన వ్యక్తి వద్దకు వెళ్లారు.

అపస్మారకస్థితిలో ఉన్న ఆ వ్యక్తికి ఎమ్మెల్యే ఆనంద్ వెంటనే సీపీఆర్(కార్డియో పల్మనరీ సిసోసిటేషన్) చికిత్స అందించారు. ఆ వ్యక్తి నాడి కొట్టుకోవడం ప్రారంభమైంది. వెంటనే స్థానిక ప్రభుత్వ ఆసుపత్రికి తరలించారు. అతనికి మెరుగైన వైద్య చికిత్స అందించాలని వైద్యులను ఆదేశించారు.

ఇదీ చదవండి :కొవాగ్జిన్​ టీకా తీసుకున్న కేంద్ర సహాయ మంత్రి కిషన్​రెడ్డి