'కాంగ్రెస్​ నేతల కృషికి ఫలితమే వికారాబాద్​ చార్మినార్ జోన్​లో కలిసింది​​'

వికారాబాద్​ జిల్లాను చార్మినార్​ జోన్​లో కలుపుతూ ప్రభుత్వం తీసుకున్న నిర్ణయంపై కాంగ్రెస్​ నేతలు ఆనందం వ్యక్తం చేస్తున్నారు. ఇది తమ పార్టీ చేసిన కృషికి ప్రతిఫలమని డీసీసీ అధ్యక్షుడు రామ్మోహన్​ రెడ్డి, మాజీ మంత్రి ప్రసాద్​ కుమార్​ అన్నారు.

జోగులాంబ గద్వాల్‌ జోన్‌లో కలిపిన వికారాబాద్‌ జిల్లాను తిరిగి చార్మినార్‌ జోన్‌ పరిధిలో కలపడంపై ఆ జిల్లా డీసీసీ అధ్యక్షుడు రామ్మోహన్‌ రెడ్డి, మాజీ మంత్రి ప్రసాద్‌కుమార్‌ ప్రభుత్వానికి కృతజ్ఞతలు తెలిపారు. కొన్నాళ్లుగా తాము చేసిన పోరాటం ఫలించిందన్నారు. నూతన రాష్ట్రం ఏర్పడిన తర్వాత వికారాబాద్​ను జోగులాంబ గద్వాల్​లో కలపడం వల్ల జిల్లా వాసులు తీవ్రంగా నష్టపోయారని రామ్మోహన్​ రెడ్డి పేర్కొన్నారు. చార్మినార్​జోన్​లో కలపాలని కోరుతూ తాము చేసిన నిరాహార దీక్షలు, బంద్‌లు, మంత్రులను అడ్డుకోవడం లాంటి అనేక కార్యక్రమాలను పార్టీలకు అతీతంగా చేపట్టడం వల్లనే ప్రభుత్వం దిగొచ్చిందని తెలిపారు. ముఖ్యమంత్రి ప్రజలకు ఇచ్చిన అన్ని హామీలను అమలు చేసేలా ప్రయత్నిస్తామని మాజీ మంత్రి ప్రసాద్​ కుమార్​ అన్నారు.
ఇదీ చూడండి: 'ఆర్టీసీని నిర్వీర్యం చేసే కుట్ర'