వికారాబాద్​లో ఐదేళ్ల చిన్నారిపై అత్యాచారం

ఐదేళ్ల చిన్నారి అత్యాచారానికి గురైన ఘటన వికారాబాద్​ జిల్లా పెద్దేముల్​లో ఆలస్యంగా వెలుగులోకి వచ్చింది. బాధితురాలి తల్లిదండ్రుల ఫిర్యాదుతో నిందితుడు నగేష్​ను పోలీసులు అదుపులోకి తీసుకున్నారు.

వికారాబాద్​ జిల్లా పెద్దేముల్​ మండలంలో ఐదేళ్ల చిన్నారిపై అత్యాచారం జరిగిన ఘటన ఆలస్యంగా వెలుగులోకి వచ్చింది. ఈనెల 9న ఐదేళ్ల చిన్నారికి మాయమాటలు చెప్పి 22 ఏళ్ల నగేష్​ దుశ్చర్యకు ఒడిగట్టాడు. మరుసటి రోజు చిన్నారికి జ్వరం రావడం వల్ల తల్లిదండ్రులు ఆస్పత్రికి తీసుకెళ్లారు. చిన్నారి ద్వారా అత్యాచారం గురించి తెలిసిన తల్లిదండ్రులు పెద్దేముల్ పోలీస్​ స్టేషన్​లో ఫిర్యాదు చేశారు. అనంతరం చికిత్స కోసం తాండూరు ఆస్పత్రికి తరలించారు. నిందితుడు నగేష్​ను పోలీసులు అదుపులోకి తీసుకొని విచారిస్తున్నారు.

ఇవీ చూడండి:'బాలికపై అత్యాచారం చేసిన వారిని ఎన్​కౌంటర్​ చేయాలి'