దేవాలయ అభివృద్ధికి కృషి చేస్తాం: మాజీ ఎమ్మెల్యే

పరిగి మండలంలోని పురాతన శ్రీ కృష్ణ దేవాలయ పునరుద్ధరణ పనులకు మాజీ ఎమ్మెల్యే రామ్మోహన్ రెడ్డి రూ.50,000 అందించారు. గుడికి పూర్వ వైభవం తెచ్చి విగ్రహావిష్కరణ చేపడతామని పేర్కొన్నారు. గుడి పేరు మీద తండా ఉన్నపటికీ.. గుడి లేకుండా పోవడం బాధాకరమని రామ్మోహన్ రెడ్డి అన్నారు.

వికారాబాద్ జిల్లా పరిగి మండలంలోని కృష్ణమ్మ గుడితండాలో పురాతన శ్రీ కృష్ణ దేవాలయ పునరుద్ధరణ పనులను మాజీ ఎమ్మెల్యే రామ్మోహన్ రెడ్డి తన సొంత డబ్బులతో ప్రారంభించారు. రూ.50,000 అందించి.. జేసీబీతో పనులు మొదలుపెట్టారు.

సుమారు 200 ఏళ్ల నాటి దేవాలయాన్ని ఎవరూ పట్టించుకోకపోవడంతో శిధిలావస్థకు చేరుకుందని మాజీ ఎమ్మెల్యే రామ్మోహన్ రెడ్డి తెలిపారు. గుడికి సంబంధించిన భూములు కబ్జాలకు గురయ్యాయన్నారు. గతంలో అధికారుల దృష్టికి తీసుకెళ్లి కొన్ని భూములు కబ్జాలు కాకుండా చూశామని పేర్కొన్నారు. గుడి పేరు మీద తండా ఉన్నపటికీ.. గుడి లేకుండా పోవడం బాధాకరమన్నారు. గుడికి పూర్వ వైభవం తెచ్చి విగ్రహావిష్కరణ చేపడతామని చెప్పారు. అన్యాక్రాంతం అయిన దేవాలయ భూములను కాపాడతామన్నారు.

కార్యక్రమంలో డీసీసీ కార్యదర్శి హనుమంతు ముదిరాజ్, పట్టణ అధ్యక్షులు కృష్ణ, అభిరామ్, స్థానిక కౌన్సిలర్ శ్రీనివాస్, మల్లేష్, రియాజ్, సీనియర్ నాయకులు చిన్న నర్సింహులు, ఆంజనేయులు, వెంకటేశ్‌, కిరణ్ తదితరులు పాల్గొన్నారు.

ఇదీ చూడండి: తీగల వంతెన నిర్మాణంతో నెలకొన్న సరికొత్త వివాదాలు