నిత్యం వ్యాయామం వల్ల ఆరోగ్య జీవనం: ఎమ్మెల్యే ఆనంద్​

ఆరోగ్యంగా జీవించాలంటే శరీర దృఢత్వం అవసరమని ఎమ్మెల్యే ఆనంద్ పేర్కొన్నారు. వికారాబాద్​ జిల్లా కేంద్రంలో నిర్వహించిన రన్​లో ఆయన పాల్గొన్నారు.

వికారాబాద్ జిల్లా కేంద్రంలో జిల్లా క్రీడా అధికారి హనుమంత్​రావు ఆధ్వర్యంలో నిర్వహించిన రన్​లో స్థానిక ఎమ్మెల్యే ఆనంద్​ పాల్గొన్నారు. ఈ సందర్భంగా జెండా ఊపి రన్​ను ప్రారంభించారు. స్థానిక బ్లాక్ గ్రౌండ్ నుంచి ఎస్​.ఎ.పి. కళాశాల వరకు సాగిన రన్​లో ఆయన పరుగెత్తారు.

మనిషి ఆరోగ్యంగా ఉండాలంటే ఉదయం, సాయంత్రం వ్యాయామం చేయాలని ఎమ్మెల్యే పేర్కొన్నారు. నిత్యం వాకింగ్​, రన్నింగ్ వంటి వ్యాయామాల వల్ల ఆరోగ్యంగా జీవించవచ్చని సూచించారు. కార్యక్రమంలో అడిషనర్ కలెక్టర్​లు మోతీలాల్, చంద్రయ్యలతో పాటు పలువురు అధికారులు, నాయకులు తదితరులు పాల్గొన్నారు.

రన్​లో పరుగెడుతోన్న ఎమ్మెల్యే ఆనంద్​