పరిగిలో మంత్రుల పర్యటన... లఖ్నాపూర్​ చెరువులో చేపపిల్లల విడుదల

రాష్ట్రంలో కులవృత్తులను బలోపేతం చేసి యువతకు ఉపాధి అవకాశాలు కల్పించడమే... ప్రభుత్వ లక్ష్యమని పశుసంవర్ధకశాఖ మంత్రి తలసాని శ్రీనివాస్‌యాదవ్‌ తెలిపారు. మత్స్యకారుల సంక్షేమం కోసం ప్రభుత్వం అనేక పథకాలు అమలు చేస్తున్నట్లు పేర్కొన్నారు.

గ్రామీణ ఆర్థిక వ్యవస్థ బలోపేతం.. కులవృత్తులకు అండగా నిలిచేందుకే ప్రభుత్వం ఉచితంగా చేపపిల్లలు పంపిణీ చేస్తోందని మంత్రి తలసాని శ్రీనివాస్‌ యాదవ్‌ తెలిపారు. విద్యాశాఖ మంత్రి సబితా ఇంద్రారెడ్డితో కలసి వికారాబాద్‌ జిల్లా పరిగి మండలం లఖ్నాపూర్​ చెరువులో చేప పిల్లలను వదిలారు.

చేప పిల్లల నాణ్యత, పరిమాణం, లెక్కకు సంబంధించిన అంశాల్ని సొసైటీ సభ్యులే చూసుకోవాలని మంత్రి తలసాని శ్రీనివాస్ యాదవ్ సూచించారు. మత్స్యకారుల సంక్షేమం కోసం ప్రభుత్వం అనేక పథకాలు అమలు చేస్తున్నట్లు పేర్కొన్నారు.

ఇదీ చూడండి:'ఆంధ్రా మద్యం తాగితే 2, 3 ఏళ్లకే హరీ అంటారు'