గొంతుకు తాడు బిగించి హత్య

వికారాబాద్​ జిల్లా చిట్టిగిద్దలో యువకుడు దారుణ హత్యకు గురయ్యాడు. గొంతుకు తాగు బిగించి హత్యచేసినట్లు పోలీసులు అనుమానిస్తున్నారు.

వికారాబాద్​ జిల్లా నవాబుపేట మండలంలో దారుణం జరిగింది. చిట్టిగిద్ద గ్రామానికి చెందిన సోహేల్​ హత్యకు గురయ్యారు. బుధవారం వికారాబాద్​ ఆసుపత్రిలో తల్లికి చికిత్స చేయించి, సాయంత్రానికి ఇంటికి చేరాడు. అనంతరం బయటకు వెళ్లి రాత్రి 9 గంటలైనా రాకపోయేసరికి తల్లి ఫోన్ ​చేసింది. 'వచ్చేస్తానుపడుకోమని' చెప్పాడని.. అంతలోనే హత్యకు గురయ్యాడని కన్నీటిపర్యంతమైంది.

సమాచారం తెలుసుకున్న పోలీసులు ఘటనా స్థలంలో క్లూస్​ టీం, జాగిలాలతో ఆధారాలు సేకరించారు. మద్యం సీసా, ఆహార పదార్థాలను గుర్తించారు.రెండు రోజుల్లో నిందితులను అదుపులోకి తీసుకుంటామని పోలీసులు తెలిపారు.

ఇవీ చూడండి:బస్సు కిందపడి రెండేళ్ల బాలుడు మృతి