Dog Squad: గల్లీగల్లీ గాలించిన డాగ్ స్క్వాడ్.. ఎందుకో తెలిస్తే అందరూ అవాక్!

పోలీసుల కుక్కలు వచ్చినయ్. దొంగను పట్టుకుంటయ్. మర్డర్ చేసినోన్ని పోలీసులకు పట్టిస్తయ్ అనుకునేరు. అదేం కాదు. గల్లిగల్లి తిరుగుతున్న ఆ కుక్కలు (Dog Squad) వచ్చింది మాత్రం అధికార పార్టీ గులాబీ జెండా కోసం.

వికారాబాద్ జిల్లా పరిగి మున్సిపల్ పరిధిలోని మల్లెమోని గూడలో రాత్రిపూట గుర్తు తెలియని వ్యక్తులు అధికార పార్టీ తెరాస జెండా (Trs Flag) ఎత్తుకెళ్లారని ఆ పార్టీ కార్యకర్తలు పరిగి పోలీసు స్టేషన్​లో ఫిర్యాదు చేశారు. అధికార పార్టీ జెండా దొంగిలించారని తెలిస్తే ఉన్నత స్థాయి అధికారులు... ఆ పార్టీ నేతలతో చివాట్లు పడతాయనుకున్నారేమో పోలీసులు... వెంటనే డాగ్ స్క్వాడ్​(Dog Squad)ను పిలిపించి మల్లెమోని గూడలోని గల్లీగల్లీ గాలించారు.

గల్లీల్లో డాగ్ స్క్వాడ్ కుక్కలు తిరుగుతుంటే అక్కడున్న జనాలు ఆశ్చర్యానికి లోనయ్యారు. పెద్ద పెద్ద దొంగతనాలు, మర్డర్​లు అయితే పట్టించుకోని పోలీసులు అధికార పార్టీ జెండా పోతేనే ఇంత హడావుడి చేస్తున్నారని స్థానికులు ఆశ్చర్యం వక్తం చేశారు.

ఇదీ చూడండి: