'ప్రజలకు భరోసా కల్పించడమే మా లక్ష్యం'

ప్రజలకు భరోసా కల్పించేందుకు నిర్బంధ తనిఖీలు నిర్వహిస్తున్నట్లు వికారాబాద్ జిల్లా ఎస్పీ నారాయణ పేర్కొన్నారు. నేర నియంత్రణకు కాలనీల్లో సీసీ కెమెరాలు ఏర్పాటు చేసుకోవాలని సూచించారు.

వికారాబాద్ జిల్లా పరిగిలోని టీచర్స్ కాలనీలో పోలీసులు నిర్బంధ తనిఖీలు నిర్వహించారు. కాలనీలోని ఇళ్లు, దుకాణాల్లో సోదాలు చేశారు. వేరే రాష్ట్రాల నుంచి వచ్చి కాలనీలో అద్దెకుంటున్న వ్యక్తుల వివరాలు అడిగి తెలుసుకున్నారు.
సరైన పత్రాలు లేని 22 బైకులు, 5 ఆటోలను పోలీసులు స్వాధీనం చేసుకున్నారు. ప్రజలకు భరోసా కల్పించేందుకే తనిఖీలు నిర్వహిస్తున్నట్లు జిల్లా ఎస్పీ నారాయణ పేర్కొన్నారు. కాలనీలో సీసీ కెమెరాలు ఏర్పాటు చేసుకోవాలని సూచించారు. ఈ సోదాల్లో జిల్లా ఎస్పీ నారాయణతో పాటు పరిగి డీఎస్పీ, ఇద్దరు సీఐలు, పది మంది ఎస్సైలు, 70 మంది కానిస్టేబుళ్లు పాల్గొన్నారు.

ఇవీ చూడండి: ఇంజినీర్​ని పిచ్చివాడిగా మార్చిన 'ప్రేమ'