కందుల సొమ్ము కాజేసిన వారిని అరెస్ట్​ చేయాలంటూ వినతి

డీసీఎంఎస్​ ఆధ్వర్యంలో కందుల కొనుగోలు వ్యవహారంలో అక్రమాలకు పాల్పడిన వారిని వెంటనే అరెస్ట్​ చేయాలని వికారాబాద్​ జిల్లా కొడంగల్​లో కాంగ్రెస్​ నాయకులు ధర్నా చేశారు. అవినీతిగా అక్రమాలకు పాల్పడిన వారిపై చర్యలు తీసుకోవాలంటూ ఎమ్మార్వోకు వినతిపత్రాన్ని సమర్పించారు.

వికారాబాద్​ జిల్లా కొడంగల్​లో డీసీఎంఎస్​ ఆధ్వర్యంలో కందుల కొనుగోలు వ్యవహారంలో అక్రమాలకు పాల్పడిన వారిని వెంటనే అరెస్ట్​ చేయాలని కాంగ్రెస్​ నాయకులు డిమాండ్​ చేశారు. ఎంపీ రేవంత్​రెడ్డి ఇచ్చిన పిలుపు మేరకు మద్దూర్​ మండల కాంగ్రెస్​ నాయకులు రేవంత్​రెడ్డి నివాసం నుంచి ఎమ్మార్వో కార్యాలయం వరకు ర్యాలీ నిర్వహించారు.

డీసీఎంఎస్​ ఆధ్వర్యంలో రూ. 73 లక్షల కోట్ల అవినీతి జరిగిందని.. ఇందులో ఎమ్మెల్యేకు సంబంధించిన అనుచరులు అక్రమాలను పాల్పడినట్లు తేలిందని.. వారిని ప్రభుత్వం వెంటనే అరెస్ట్​ చేయాలని డిమాండ్ చేశారు. కష్టపడి సాగు చేసుకున్న రైతులు విక్రయించుకునేందుకు ప్రభుత్వం మార్కెట్​ ఏర్పాటు చేయగా.. అక్కడ రైతులను తొలగించి అధికార బలంతో వారి ఖాతాల్లో డబ్బులు వేసుకున్నారని ఆరోపించారు. ఇప్పటికైనా ప్రభుత్వం స్పందించి అవినీతి అక్రమాలకు పాల్పడిన వారిని వెంటనే అరెస్టు చేసి జైలుకు పంపాలని కోరుతూ స్థానిక తహసీల్దార్​కు వినతిపత్రాన్ని అందజేశారు.

ఇదీ చదవండిఃచేతివాటం... కందుల సొమ్ము కాజేశారు..