'పౌరసత్వ చట్టాన్ని వెంటనే రద్దు చేయాలి'

పౌరసత్వ సవరణ చట్టాన్ని వెంటనే రద్దు చేయాలని డిమాండ్​ చేస్తూ వికారాబాద్​ జిల్లాలో ముస్లింలు నిరసన ర్యాలీ నిర్వహించారు. నిరసనకు మద్దతుగా అఖిల పక్ష నాయకులు ర్యాలీలో పాల్గొన్నారు.

మత విద్వేషాలను రెచ్చగొట్టేలా ఉన్న పౌరసత్వ చట్టాన్ని వెంటనే రద్దు చేయాలంటూ వికారాబాద్​ జిల్లా దౌల్తాబాద్​లో సుమారు వెయ్యి మంది ముస్లింలు నిరసన ర్యాలీ నిర్వహించారు. వీరికి మద్దతుగా అఖిలపక్ష నాయకులు ర్యాలీలో పాల్గొన్నారు. స్థానిక అంబేడ్కర్​ విగ్రహానికి వినతి పత్రం అందజేశారు.

మోదీ ప్రభుత్వం అధికారంలోకి వచ్చిన తర్వాత దేశంలో ముస్లింలకు, దళితులకు రక్షణ లేకుండా పోతుందని విమర్శించారు. పౌరసత్వ చట్టాన్ని వెంటనే రద్దు చేయకపోతే పెద్దఎత్తున ఆందోళనలు చేపడతామని హెచ్చరించారు.

ఇవీ చూడండి: బాలికపై ఇంట్లోనే అత్యాచారయత్నం...